Новые штрафы за нарушение законов о азартных играх в Казахстане с 2026 года

2025 жылғы 30 желтоқсанда Қазақстан Республикасының құмар ойын бизнесі туралы заңнамасын бұзуға қатысты Әкімшілік құқық бұзушылық туралы кодекске (ӘҚБтК) өзгерістер енгізілді. Бұл өзгерістер № 247-VІІІ Заңымен бекітілді.

ӘҚБтК-тің 445-бабы 10-1 және 10-2-бөліктермен толықтырылды:

10-1. Букмекерлік кеңсе немесе тотализатор қызметін жүзеге асыратын құмар ойын бизнесін ұйымдастырушының аппараттық-бағдарламалық кешендерді бірыңғай есепке алу жүйесімен интеграциялауды қамтамасыз етпеуі немесе бұрын жүзеге асырылған интеграциядан бас тартуы:

• орта кәсіпкерлік субъектілеріне – үш жүз айлық есептік көрсеткіш;
• ірі кәсіпкерлік субъектілеріне – бір мың айлық есептік көрсеткіш мөлшерінде айыппұл салуға және лицензияның қолданылуын тоқтата тұруға әкеп соғады.

10-2. Букмекерлік кеңсе немесе тотализатор қызметін жүзеге асыратын құмар ойын бизнесін ұйымдастырушының бірыңғай есепке алу жүйесінде тіркелмеген ставкаларды қабылдау және ұтыстарды төлеуге тыйым салуды сақтамауы:

• орта кәсіпкерлік субъектілеріне – үш жүз айлық есептік көрсеткіш;
• ірі кәсіпкерлік субъектілеріне – бір мың айлық есептік көрсеткіш мөлшерінде айыппұл салуға және лицензияның қолданылуын тоқтата тұруға әкеп соғады.

Ұялы байланыс операторларының жауапкершілігі

Сонымен қатар, ӘҚБтК-тің 637-бабы бойынша ұялы байланыс операторлары үшін де жауапкершілік енгізілді. Ұялы байланыс операторының халықтың абоненттік ұялы байланыс құрылғыларына құмар ойындар және (немесе) бәс тігулер туралы жарнамасы бар мәтіндік хабарламаларды тарату қызметтерін көрсетуі:

• шағын кәсіпкерлік субъектілеріне – елу айлық есептік көрсеткіш;
• орта кәсіпкерлік субъектілеріне – жүз айлық есептік көрсеткіш;
• ірі кәсіпкерлік субъектілеріне – бес жүз айлық есептік көрсеткіш мөлшерінде айыппұл салуға әкеп соғады.