Отказ от ЭСФ при продаже товаров: риски и последствия для розничных продавцов

Бөлшек саудадағы өткізу: ЭСФ жазбауға бола ма?

Сауда саласында жұмыс істейтін кәсіпкерлердің басым бөлігі тауарын бөлшек саудада жеке тұлғаларға сатады. Егер сатып алушы жеке тұлға болса, ЭСФ жазбауға бола ма?

ҚР Салық кодексіне жүгіну

ЭСФ жазу талап етілмейтін жағдайлар ҚР СК 412-бабы 13-тармағында көзделген:

• тауарларды өткізу кезінде (ҚР СК 412-бабы 1-тармағының 2), 5) және 7) тармақшаларында көзделген жағдайларды қоспағанда), егер сатып алушы тауарды жеке, отбасылық, үй шаруашылығы немесе кәсіпкерлік қызметпен байланысты емес өзге де мақсаттарда пайдаланатын жеке тұлға болса (яғни, түпкілікті тұтынушы болса);
• сатып алушы ҚР Кәсіпкерлік кодексіне сәйкес микро-кәсіпкерлік субъектісі болып табылатын жеке немесе заңды тұлға болса;
• тауарлар, қызметтер, жұмыстар үшін төлем қолма-қол ақшамен, терминалдар арқылы электрондық ақшамен немесе электрондық төлеммен, мобильді қосымша арқылы және т.б. жүзеге асырылып, сатып алушыға ККМ чегі берілген жағдайда.

Яғни, жалпы жағдайда бөлшек саудада тауарды жеке тұлғаларға өткізген кезде ЭСФ жазу талап етілмейді.

Сатып алушының құқықтары

Бірақ, ҚР СК 412-бабының 14-тармағына сәйкес, сатып алушы (оның ішінде жеке тұлға да) сатушыдан шот-фактура жазып беруді сұрауға құқылы. Мұндай жағдайда, 412-баптың 13-тармағына қарамастан, жеткізуші бұл талапты орындауға міндетті.

Егер сізге бухгалтер немесе салық саласы бойынша сарапшының кеңесі қажет болса, сізге мамандар көмектеседі. Өтінім қалдырыңыз, біз сізбен жұмыс уақытында хабарласамыз.